حاجة مضايقاني اوي "في الفرك " :((

السلام عليكم ....

اولاً .. عربيتي شاهين 2006 .. انجيكشان .. 1400 سي سي

العربية عمرها ماقالت لا في فرك أو تخميس

و لكن جت فترة "من شهرين" حسيت بضعف من العربية !!

بس قلت يمكن تهيأ.. لأني أتعودت على العربية أوي.. و كمان .. سواقتي أختلففففت جذرياً.. دلوقتي سواقتي على طول .. هاادي .. مفيش فرك أو تخميس او شغل زمان ده !!!


من اسبوعين ... جالي واحد صاحبي معاه شاهين 1400 كاربراتير .. لسه شاريها بقاله شهرين .. أستعمال نظيف أوي !!!


كان عايزني أعلمه الفرك و التخميس و الدريفتات و كده !!

نزلنا مع بعض المعمورة ... و بسم الله و بخمس ... العربية أدائها زبالة أوي !!! مفيييش عزم !!! زعلت ...

قلت طيب .. بلاها تخميس .. خليها برن أويت !!! العربية مكملتش 4 ثواني .. و بطلت !!!!!!!!!!

فقدت ثقتي في نفسي و قلت أنا خلاص .. نسيت الحاجات دي !!!

بس قلت لصحابي .. افكس من عربيتي !! هات عربيتك أنت اجرب بيها !! طبعاً .. بعيد عن المقلسة !! :)))

الي بهزار طبعاً .. أخدت عربيته ... و بسم الله و بخمس .. العربية ماشاء الله .. وححححححش .. فكرتني بعربيتي في ايام عزها و أصصصصخم كمان !!!!!!

الواد وقف فتح بقه !!!! و هو بيصورني بخمس بعربيته !!!

قلت بسم الله .. نعمل برن أوت !!

العربية 30 ثاااانية !! متواصلة على الفيديو .. بتعمل بيرن أووووت !!!


حاسس بعزم الموتور تحت رجلي !!! في حين ان عربيتي .. للأسف مفييش كده خالص

مع أني بهتم بعربيتي .. محسن الأداء .. و بنظف فلتر الهواء بأنتظام .. و كذلك البوجيهات بغيرها بانتظام .. طقم الدبرياج ... لسه جديد .. مكملش شهرين !!

بامانة الضعف ده حسيته .. لما غيرت طقم الدبرياج.. في نفس اليوم حطيت الفلتر السبور ..

عربيتي فيها تسريب زيت من ناحية جوان وش السليندر.. بس طول عمرها كده

صدقوا او لا ... احنا جايبينا فابريكة كده !!! و غيرناه مرة .. و عمل تاني !!!

=====================
عربية صاحبي.. نفس الحوار.. زيت من عند منطقة جوان وش السليندر.. العربية متعيرلهاش دبرياج أصلاً .. من ساعة صاحبها مشتراها ...

عاملة عدد كيلو مترات أكتر من عربيتي

فلتر الهوا بتاعها مسدوووود من كتر التراب :)) ده غير أنها كاربراتير !!!

بس رغم كده ماشاء الله .. فيها الرمق

حد ممكن يفسرلي .. ضعف الأداء ده منين !! هل دبرياج .. ولا عيب في الماتور ولا حاجة !!!

انا أعتقدت انه فلتر الهوا السبور... لأنه مش بيدي عزم على الار بي أم القليل !!! شيلته و حطيت الفلتر القديم !! و نفس الحكاية !!! :((

العربية لما بكون واقف على طلعاية .. و أجي أطلع ... بحس بضعف في العزم ... بدوس بنزين جامد و اقلل دبرياج سنه سنه .. بحس برجه جامده جاية من الجير بوكس من تحت !! من ناحسة الجير بوكس بالدبرياج ...

ممكن ده علامة بوظان دبرياج .. وحتى لو .. ده يكون ليه تأثير بالصورة المحبطة دي :((

معلش يمكن حد فيكم يكون شايف أني مكبر المووضوع !! بس أنتم متعرفوش بجد أنا بالنسبالي الحاجات دي مزاج أزاي.. لما أجي اعلملها و متجيش احساسي بيكون زي ..... ولا بلاش !!!

المهم يعني .. انا بطبيعتي مش بفتري على العربية ,, لكن بتطلب معايا من وقت للتاني أفرغ الكبت ده في حته فاضية ... و الحمد لله أن آخر مرة كان معايا صاحبي الي واساني اوي لما عملت كده بعربيته و علمته الحمد لله .. الله اعلم لو مكنش معايا كان ممكن تجيلي حالة نفسية

المهم آآآآآآآآآآآآآآآآسف للاطالة .. لكن محتاج خبرتكم !! العيوووب دي .. ممكن ليها تفسير ؟؟؟

باشا طبعا طقم الدبرياج هو اللى بيفرق فى الفرك والبرن اوت لان كده عربيتك خلاص طالما بتعمل رعشه فى الطلعه بس يبقى كده اسطوانه
وبعدين الفرك والتخميس ده بيبهدل العربيه وهتلاقى العربيه فتحت بقها مره واحده ومش هتقدر عليها (انا اول ماجبت الشاهين زيرو عملت فيها بلاوى مشى على 160 وامريكانى على طول وشد فرامل اليد وجرى فى المدقات والمطبات ودلوقتى ندمان لانى حاسس انى بهدلتها ومحافظتش عليها وعمرى ما هعرف ارجعها زى ماكانت )

هو انت بتعمل بيرن اوت دى زي ما بتيجى تركن كدة ولا ايه:d

كله الا البرن اوت بيدمر العربية

وواضح ان الدبرياج مش مظبوط عندك
انت كنت غيرته ليه ؟ طالما العربية كانت كويسة ؟
ممكن تكون جبت الطقم المضروب :(


وبالله عليك بطل برن اوت والحاجات دى
فرك ماشى من حين لاخر
انما ما تخليش الحاجات دى هى نمطك الطبيعى في السواقة

الف شكر يا شباب .. بس لالا .. الحاجات دي مش نمطي الطبيعي في السواقة خالص دلوقتي الحمد لله .. و بقالي كتييير مش بعملها !!

لأنها مضرة باجزاء العربية ككل ... وبس لما بتجيني الجنونة بس.. و دي بتيجي كل فيين و فيين !!!

أما لسؤال ليه غيرت الدبرياج ..لأن و انا ماشي في يوم .. كبل الدبرياج اتقطع !! :(((

و انا بغيره قلت اغير الطقم كله بالمرة

غيرت طقم و ديسك و اسطوانة !! :)

اقتباس:

---

المشاركة الأصلية كتبت بواسطة mrghost

باشا طبعا طقم الدبرياج هو اللى بيفرق فى الفرك والبرن اوت لان كده عربيتك خلاص طالما بتعمل رعشه فى الطلعه بس يبقى كده اسطوانه
وبعدين الفرك والتخميس ده بيبهدل العربيه وهتلاقى العربيه فتحت بقها مره واحده ومش هتقدر عليها (انا اول ماجبت الشاهين زيرو عملت فيها بلاوى مشى على 160 وامريكانى على طول وشد فرامل اليد وجرى فى المدقات والمطبات ودلوقتى ندمان لانى حاسس انى بهدلتها ومحافظتش عليها وعمرى ما هعرف ارجعها زى ماكانت )

---

:o :o :o

يا اخي في الله .. دنتا بهدلتهاااااا فعلاً :((((((

أنا مش للدرجة دي ... و مش مفتري أوي كده ... و مش على طول :((

حسام بك
ممكن شرح للتخميس والدريفت لو عربية دفع امامى

اقتباس:

---

المشاركة الأصلية كتبت بواسطة A.Saad

حسام بك
ممكن شرح للتخميس والدريفت لو عربية دفع امامى

---

للأسف عربيتي دفع خلفي.. بس بالنسبة للدريفتات علمتها بنفس الميكانيزم الي عملته بعربيتي "مع عربية صاحبي لانوس"

أنت ماشي خط مستقيم .. قبل دخول المنحنى الي عايز تاخده دريفت ... أعمل التالي

1-دبرياج + فرامل +تسقيط نقلة ...
الغرض تهدية العربية .. + تشفيت وزن العربية على قدام

2-كسر الدريكسون في أتجاه المنحنى + رفع رجلك من على الفرامل فقط"مع أبقاء الأخرى على الدبرياج" + رفع الهاند

(لاحظ الهاند متزامن مع رجلك على الفرامل ... مترفعش هاند و انت رجلك لسه على فرامل الرجل.. و إلا العربية حتعوم اوي .. و أنساها !! مجرد متشيل رجلك من على الفرامل... أيدك بتشد الهاند !! )

الغرض ..يعد تشفيت وزن العربية لقدام في الخطوة الأولى .. كسر الدريسكون يمين .. ثم تحرير الفرامل ,, مع شد الهاند بيشفت وزن العربية على المؤخرة .. مع تعويم العربية !!

3-أنت داخل المنحنى بجنب العربية .. أعمل كونتر ستييرينج... و حرر الدبرياج !!

في حالة الدفع الخلفي... كنت بوزان بالبنزين .. و الكاونتر ستير.. مدى مشيان العربية بالجنب

في حالة الجر المامي... "نظراً لني جربتها مرة واحدة فقط لأنها مكنتش عربيتي" مجرد مشيلت رجلي من الدبرياج ... مكنتش عامل مونتر ستيير جامد ... سيبت دبيراج .. و دوست بنزين .. مع شدة هاند كمان جامدة .. بس وقتها قصير أوي.. خلتها طولت المسافة الي مشيتها بجنبها ...

كونتر ستير على الاخر و سيبت بنزين.. عشان تهدى .. و اعرف أعدلها.. و بعد كده بوازن بين البنزين و الكاوتنر ستير ... علشان تعدل ..
================================

أحذر من انك تدوس فرامل برجلك و العربية ماشية بجنبها .. حتلاقيها لففت بيك !! :((

لو عايز تجرب كده .. جربه في حته فاااااااااااااضية .. زي أنا مكنت بجربه !! في حته مفيهاش سريخ أبن يومين ..جنب الكلية عندنا !!
================================

التخميس .. معرفش الجر المامي زي الدفع الخلفي ولا.. بس عامةً واحد صاحبي قالي.. أكسر الدريكسيون كله شمال... أفرك بالعربية !!! و شد هاند جامد بس لفترة صغيرة و أنت بتخفف بنزين.. و مجرد متنزل هاند .. أفعص بنزين ... مش حتخمس "خمسة بظبط .. بس حتلف زي الخمسة .. لكن صعب تظبطها في مسار ثابت .. أنا عامةً لما بعملها بالعربية بتاعتي .. أو اي عربية دفع خلفي... بتكون "خمسة يعني خمسة O "

العربية مش بتجنح مني
==================================
أخيراً .. الحاجات دي مضررررررة جداً بالعربية !! و بالمتوور... و بالعجل .. و بأعصااابك كمان !!

يتشد أعصابك على الفاضي

ده غير أن الناس ثم الناس ثم الناااااااس

أنصحك بلاش تعملهم.. و لو مصر.. يبقى في حته مهجورة !! علشان متأزيش غيرك
=================
بيرن اوت ....

بتشد هاند .. و تجيب أول.. و دوس بنزين مع الدبرياج .. متسيبش ألا على أر بي أم 4000 "عملته كده في اللانوس بتاعت صاحبي أياه"
ة شيل دبرياج مرة واحدة !!! حتفرك من قدام .. و ورا ثابت في مكانه

الغرض من تعلية الآر بي أم اوي .. انك تجيب عزم جامد من اول الفركة .. يكمل معاك في البير اوت

حررررركة مددددددددددددددددددمممممم ممممممممممممممممممرة .. للكاوتش و الكباالن .. و الشيميزات "وش السليندر" و الكارونة ... و بلي العجل و المساعدين "ال 4 مساعدين" و الفراامل !!

كان ليا فيديوهين تخميس و واحد دريفت مع صاحبي .. ححاول أرفعهم يو تيوب و أنزله لحضرتك.. و في فيديو من ضمن الفيديوهات دي أتلايمت عليه و عملتله ايديت !!! بس بوظتتته !! :((( ضيعت الوقت بتاع البيرن أوت و المصيبة انه كان النسخة الوحيدة !! و للأسف بقية التخميس الي فيه و كده ضاعو .. بس عامةً أن شاء الله الفيديوهات التانية دي ححطها من غير معمل اديت لحاجة :(((
YouTube - Egyptian Shahin Drifting
ده الفيديو التعبان الي قلتلك عليه :)))

بوص انا حاسس بيك الواحد لما بيحس ان العربية سحبها وعزمها قل بيبقا هيجرالة حاجة بس انا شايف ان الى عندك دة ملوش حل غير اسطوانة وديسك ولو عندك فيس بوك هاتو وانا اعرفك على احمد حازم صاحبى معرفش صيتو وصل اسكندرية ولا لاء بس دة ممكن اقولك انو اكتر واحد صرف فلوس على الشاهين دى احنا رافعنلوا البابين الى اودام بس فى حدود 8 الاف جنية مصاريف دة بقى غير باقى المصاريف الى على الموتور وهوريك اخر فيديو لية بس هات ايميلك او اعملى اد الميل بتاعى bebo200567@yahoo
aw andrew makram sadek facebook alatneen wa7ed

اااه وااللله فعلاً

بتضايق أوي

ـحمد حازم صيته وصل .. مش هو الي عربيته لونها أخضر ؟

و شفتله فيديوهات كتير ماشاء الله ... عاجبني اوي الايديت بتاعها .. الي عمله فنان

انا حعملك آآد أهو

انا هحذرك من حاجة واحدة
عشان هيه دي اللي حصلت معايا
كان معايا 131 و دي كانت اول عربية اجبها في حياتي
و كان عليا مكنة 2000 سي سي سافلة
و كنت بفرك بيها كتير (فرك بسسسس)

و في يوم ونا ماشي في امان الله و من غير اي مقدمات
الأكس اتكسر
ايه بقي اللي بيحصل لما الأكس يتكسر ؟
1. العربية بتقع علي الأرض من الجهة اللي الأكس اتكسر فيها ,لو مكنش الجنبين
2. الجنط بياخد السرة ويهرب
3. تيجي تدوس فرامل تلاقيها سافرت اخر الدواسة من غير اي حاجة
تخيل ان الكلام اللطيف ده حصل معاك علي سرعة !!!
علي فكرة انا كنت اليوم ده راجع من الجامعة و كانت الساعة 3 العصر و كان يوم حد(يعني مفيش ميكانيكة فاتحين) !
و كان علي بعد حوالي 1 او 1.5 كم من بيتي
انا اليوم ده روحت البيت 4 الفجر و كنت بشتغل مع الصنايعي بأيدي
من ساعتها ونا بقيت بوبي ماشي بالعربية :(

ارجع يابن الحلال و افكس للكلام ده
ده حتي حرام و اسمه اهدار للمال

اقتباس:

---

المشاركة الأصلية كتبت بواسطة ahmed88hassan

انا هحذرك من حاجة واحدة
عشان هيه دي اللي حصلت معايا
كان معايا 131 و دي كانت اول عربية اجبها في حياتي
و كان عليا مكنة 2000 سي سي سافلة
و كنت بفرك بيها كتير (فرك بسسسس)

و في يوم ونا ماشي في امان الله و من غير اي مقدمات
الأكس اتكسر
ايه بقي اللي بيحصل لما الأكس يتكسر ؟
1. العربية بتقع علي الأرض من الجهة اللي الأكس اتكسر فيها ,لو مكنش الجنبين
2. الجنط بياخد السرة ويهرب
3. تيجي تدوس فرامل تلاقيها سافرت اخر الدواسة من غير اي حاجة
تخيل ان الكلام اللطيف ده حصل معاك علي سرعة !!!
علي فكرة انا كنت اليوم ده راجع من الجامعة و كانت الساعة 3 العصر و كان يوم حد(يعني مفيش ميكانيكة فاتحين) !
و كان علي بعد حوالي 1 او 1.5 كم من بيتي
انا اليوم ده روحت البيت 4 الفجر و كنت بشتغل مع الصنايعي بأيدي
من ساعتها ونا بقيت بوبي ماشي بالعربية :(

ارجع يابن الحلال و افكس للكلام ده
ده حتي حرام و اسمه اهدار للمال

---

:ops:أووووووووووتش !!!!!

الحمد لله أن ربنا سترها معاك :praying:

أنا عامةً نش يعمل كده دلوقتي والله ... بس أنا عايز أعرف الضعف ده ممكن يكون نتيجة أيه !!! علشان أظبطه مش اكتر .......

بس بجد موقف غبي أوي .. الحمد لله انه سترها

مترفع يا باشا باقى الفيديوهات و خصوصا بتاعة عربية صاحبك الشاهين

اقتباس:

---

المشاركة الأصلية كتبت بواسطة dr_radioooooo

مترفع يا باشا باقى الفيديوهات و خصوصا بتاعة عربية صاحبك الشاهين

---

والله مش عارف أجيبها منه كل ده .. بس أوعدك أن شاء الله .. انا حقابله يوم الخميس ...

ربنا يسهل و أعرف أجيبها ..بجد فيديوهات مزااج

بس المشكلة أن موبايلي موتورولا في ثري أي

و هو موبايله نوكيا حديث اوي .. فالفديوهات المساحة بتاعتها كبير .. غير انه اتصورت اصلاً أي في آي !!

و الموتورولا بيقرا الأكستنشان بتاع الميديا قبل متتبعتله .. لو حتشتغل عنده ,, يستقبلها .. لو مش حتشتغل ... يعمل رفض .. و يكتب "الملف غير معروف" :(((((:angry35::angry35:

اقتباس:

---

المشاركة الأصلية كتبت بواسطة smsm_nabawy

:ops:أووووووووووتش !!!!!

الحمد لله أن ربنا سترها معاك :praying:

أنا عامةً نش يعمل كده دلوقتي والله ... بس أنا عايز أعرف الضعف ده ممكن يكون نتيجة أيه !!! علشان أظبطه مش اكتر .......

بس بجد موقف غبي أوي .. الحمد لله انه سترها

---

بيبقي بسبب الفرك الأكس بيملص من عند السرة ويتكسر فجأه
و ده فرك برئ .. ما بالك البيرن اوت !!! :praying:

اقتباس:

---

المشاركة الأصلية كتبت بواسطة ahmed88hassan

بيبقي بسبب الفرك الأكس بيملص من عند السرة ويتكسر فجأه
و ده فرك برئ .. ما بالك البيرن اوت !!! :praying:

---

حلوة "فرك بريء" دي :)))

ربنا يسترها معانا كلنا يا رب أن شاء الله